هيتساوي

كـــــــــــل عام وانتم بخير .. رمضان كريم
 
الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 اتوبيس السعاده والهناء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mido
مشرف منتديات تسالي
مشرف منتديات تسالي
avatar

ذكر
عدد الرسائل : 88
العمر : 31
تاريخ التسجيل : 23/11/2008

مُساهمةموضوع: اتوبيس السعاده والهناء   الثلاثاء ديسمبر 02, 2008 7:13 am

خيرا وصل الاتوبيس

اصوات مختلفة اسمعها

سبني اعدي ياعم .....
وصوت اخر صادر من الاتوبيس
- حاسب يا نطع

انظر بتعجب لما يدور حولى وكأنني كائن فضائي ... افكر .. اركب الاتوبيس ده ولا استني اللى بعده ولا اتنازل عن كرمتي واكرب الميكروباص

ليأتي الرد من مواطن مصري صميم ...

- انجز يا روح امك هتركب ولا لاء .

هي دي وجهة النظر اللى انا مستنيها وخد الحكمة من افواه الناس الخبره دي . والتي تطابق رأيي لأنه مش معقول هفضل مرزوع كمان نص ساعة فى الصحرا دي .

واذا بقدمي تتحرك تجاه الاتوبيس لأجد سيده على شرفه اكمال التسعينات من عمرها وتصرخ بصوتها امام الفطاحل ركاب الاتوبيس : عاوزة اعدي يا ولاد خدوا بأيدي انا زي امكم ..

ليرد الشاب المفتح استهزاء ... مصر وصلت يا جدعان ...

ليخبره صديقه ... بعدما ينظر الى الست العجوز ... لا يابني دي مش مصر دي جمهورية مصر الشعبية .

لتنظر الحاجة اللى وجوههم قائلة ... بالشبشب يا روح امك منك له .

ونجحت الحاجة فى اختراق خط برليف المنيع واستطاعت الدخول فى هذا الاختراع الرهيب .

ولاقيت نفسي متشعبط فى الاتوبيس وقدام منى بني ادم اول مرة اشوف قفه 10 متر مكعب وبعين بقيت جسم بني ادم

وهو يقول لي .. اركب يا جنتل الاتوبيس بيجري ..

لأرد بجنتله وصياعه ...

فل يا مان ...

لأقفز بجسدي وسط هذا الحشد المحشود ...

واقول لنفسي يلا ابتدينا الرحله ....

وشعرت بشيء يتحرك فوق رأسي فنظرت للأعلى فأذا بصوت مقزز جدا يقول لي .

- ايه ياض يا بن التيهة ... مش تحاسب ... دماغك دخلت فى منخيري

وبكل العفوية هتفت قائلا ..

مش قصدي ياعم

واذا بصوت الكمسري الودود

ياللى طالع الاجره .... اللى طالع يبعت الاجره

قولت لنفسي .. يادي المصيبة اطلع الفلوس ازاى انا دلؤقتي وانا كل ثروتي فى جبيبي الوراني ..

لأضع يدي فى جبيبي الوراني ولكن شعرت بشيء طري تتحسسه يدي ... خفت لتكون ايدي وقعت غلط .

لألتفت ورائي لأجد رجلا يبتعد عني بحاول نص متر وتاركا كرشه فى ظهري ... وبصلي بأستغراب

- يا كرشك ..

الف شكر يا عم عقبال ما يبقى عندك كرش ...

الاجرة يا حضرات ...


خلاص ياعم خد اهيه ...

واذا بنفسي تذكرت الحاجة اللي كانت بتموت وهي بتطلع لألتفت يمينا ويسارا هي فين الحاجة يا بشر

لاحولا ولا قوة الا بالله الوليه ماتت ...

الفاتحة على روحها ... دي كانت طيبة اوي .

واذا بالاتوبيس يزداد ذحاما بشكل لا يوصف لتتكاتل القوي البشرية بداخله بطرقته الرفيعة

ومرة واحدة لقيت واحد غبي وقت ورايا ....

انتا ياعم الحج السكة فاضية قدامك اهيه ما تتحرك شوية .

لأرد عليه بصياعه ...

ادخل فين ياعم ادخل فى الراجل يعني انتا مش شايف المنظر ...

ليرد هو برضه بصياعه :

أنت مال اهلك يا توتو ... مش ناقص غير ال 00000

لأدفع من يقف امامي بدفعه بسيطة حتي يدفعني هو للخلف وبما ان البشر فى الاتوبيس يقفون كتله واحدة فالبتأكيد سألقن هذا الغبي درسا لا يسناه .... قال توتو قال ..

وفعلا عملت كده ولقيت صوت الغبي ده بيبعد حتى سمعت صوته .. ااااااااااااااااااه

لينظر الجميع لى وكأنني صرصار

- يعني واقف على سلمة واحدة وكمان بيغلط مش يحترم نفسه الاول او يستني لما الاتوبيس يقضي شوية .
وبطرف عيني لمحت سيدة عجوزة تستعد للهبوط قريبا

وهنا حان وقت استخدام الرفع اللى انا فيه لأحارب الرجل ابو كرش وعم الحلو ابو قفه

حتى اصل لمكانها ... وواجلس

وها انا اجلس على الكرسي ....... وياااااااااه على الراحة اخيرا قعدت يا ابو السيد ...

ولكن نظرت امامي ويارتني ما نظرت .. لأجد فتاه تشبه ممن يقفون على الكورنيش ...

وتهتف بنعومة مصطنعه

- بليز ممكن توسع شوية عشان اقعد ؟

- اوسع .... اوسع فين .... لا تعالى انتى اقعدي مكاني احسن .

وبدون مقدمات قمت زي اللطخ ورحت رجعت تاني لازق فى العمود تجنبا للسرقة ...

وانا واقف فى حالي لقيت الست العجوزة اللي شفتها وانا طالع الاتوبيس واللى افتكرت انها ماتت

وهي تنظر لي نظرة الام الحنون قائلة ...

ممكن توسلعي يا بني عشان انزل المحطة الجايه

وطبعا وسعتلها السكة طمعا فى كام دعوة حلوين دعتهوملي ...

المهم وصلت لمحطتي اخيرا ...

لأخذ نفس عميق واحاول الفرار مما تبقى من جسدي حيا ...

لأتوجه الى الباب ولكن بمجرد الخروج من تلك الكتلة البشرية وقبل النزول من الاتوبيس وضعت يدي على جيبي فلم اجد المحفظة والموبيل فصرخت بصوتي العالي

- انا اتنشلت ؟؟؟

ومثلما يحدث فى الافلام الامريكيه فلاش باك ...

استرجع ما حدث فى الاتوبيس لأكتشف هوية السارق ؟؟؟

ياتري من السارق

هل الرجل ابو قفا 10 متر مكعب ؟؟؟ لالا صوابعه صعبه تدخل في جبيبي ...

ام الرجل ذو الملامح الغبية اللى شتمني .... استحاله انا رميه بنفسي من الاتوبيس صعب يوصلي ..

ام فتاه الكورنيش ... بس دي كان وشها فى وشي ...

لأتذكر مشهد الحاجة ....

اه هي الحاجة مافيش غيرها هي اللى مسكت بأيدي عشان توصل للباب وهي اللى ادتها ضهري ..

بقيت عاوز اعيط او اغني اغنية كان طيب كان حنين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.zorpia.com/midolegend
 
اتوبيس السعاده والهناء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هيتساوي :: ,.-~*'¨¯¨'*·~-.¸-(_(¯`·._.·[ منتديات تسالي ]·._.·´¯)_)-,.-~*'¨¯¨'*·~-.¸ :: ಞ قسم النكت والفرفشه ಞ-
انتقل الى: